गजल (मेरो प्रतिक्षामा प्रिय दियो बत्ती बाली)

राजन थापा
मेरो प्रतिक्षामा  प्रिय दियो बत्ती बाली राख,
सिन्दुर पोते लिई आउँछु सिउँदो गला खाली राख 

पिरतिको जातै यस्तो प्रतिक्षामा बांच्नु पर्ने ,
मिलन हुन्छ हामी दुई को यही विश्वाश पाली राख 

तिम्रा लागि मखमली बुट्टे चोली कमाई ल्याउंला ,
जस्तो पाक्छ त्यस्तै खाउंला गिट्ठा भ्याकुर हाली राख

जति गर्थें पहिले माया त्यती नै छ आज पनि ,
स्वार्थ मात्र होला भन्ने भ्रम मनको फाली राख

                                                                                    सदस्य 
                                                                                    नबोदित साहित्यिक बाचानलय 
                                                                                    दोहा, कतार