( नयाँ बर्षरुपी केही मुक्तकहरु ) आचार्य प्रभा
मनभित्रका तुस सारा नयाँ सालले छोपी दियोस्
सद्भावका डालीहरु नव बर्षले रोपी दियोस्
रिस, राग,इर्ष्या, जलन धुँवा बनी उडी जाउन्
मित्रताको मीठो अक्षर सबको मनमा खोपी दियोस् ।
पुराना दिन जे भएनी सबैले नै भुली दिउँ
नयाँ बर्ष सौगात मानी सबै जना झुली दिउँ
मनभित्रका डाहा,इर्ष्या बाग्मतीमा सेलाउँदै
सद्भावना मीठो बाँड्दै एकार्कामा खुलिदिउँ ।
नयाँ बर्ष नियम बनी फेरि आइेदियौ
हर नेपालीको मनभरी फेरि छाइे दियौ
ईतिहास झैं कलंकित बन्ने छैनौ तिमी
कोमल मनमा मीठो प्रीत तिमीले लाइेदियौ ।
( रचना- अप्रिल/ १३/ २०११ )
0 comments:
Post a Comment