सागर बस्नेत “युध्दविराम”
एकै घुट्मा सास लिने जहर खोज्दैछु !
उन्को याद नआउने शहर खोज्दैछु !!
सम्झनाले तोड्न लाग्यो बाँध यो मनको !
बह पोख्ने यौटा सानो नहर खोज्दैछु !!
कति आँधी आएपनि सकेन लैजान !
ति स्मृति बगाउने लहर खोज्दैछु !!
बिर्सु भन्दा झन धेरै सतायो तृष्णाले !
उनीबिना बाच्नसक्ने प्रहर खोज्दैछु !!
बशन्तको मौसमले डस्दछ मलाई !
किनारमा पर्खिबस्ने बगर खोज्दैछु !!
हाल: साउदी अरब
0 comments:
Post a Comment